雖然每個人對美嘅定義都唔一樣,不過有一啲人係靚到個個都公認佢嘅美。日前有網民開Post問「香港有邊個男明星係公認靚仔?」,此Post一出即刻引嚟極大回響,大家都即刻曬冷香港呢幾十年嚟嘅男神。事先聲明,以下只係純「外貌協會」討論,明星嘅其他嘢係唔計算係大家嘅評分準則,非常膚淺,但亦好公道。
NO.3
金城武
金城武1991年出道,佢嘅「參賽資格」有少少備受質疑,因為佢本身係日台混血兒,所以有網民都話佢唔係香港,不過亦有網民話佢喺香港爆紅,都可以將佢擺落個Race。
金城武又稱為「零死角男神」,無論鏡頭喺邊個角度影佢都唔會崩壞,想影到佢醜態,真係可以話係冇可能!(東星娛樂)
NO.2
吳彥祖1997年出道,第一部拍嘅電影就係叫《美少年之戀》,改個咁嘅名都冇人反對,可想而知到底要幾靚先可以孭得起呢套戲。
不過「靚」對其他人嚟講係一份祝福,但對吳彥祖嚟講竟然係一份負擔,佢曾經講過自己好憎演白馬王子角色:「因為係唔現實,呢個世界係冇人完美。依家接戲係諗個角色有冇意思,而唔係拍得我型唔型。除了外表,『吳彥祖』仲可以畀咩嘢給觀眾?所以一直堅持寫 Instagram,希望話畀人知我睇到嘅世界係咩。」
吳彥祖天生就一個王子樣,好難怪成日有人搵佢演王子。(東星娛樂)
吳彥祖仲曾經表示唔理解近年好受歡迎嘅「花美男」風格,佢形容係男人唔似男人嘅感覺:「很多人會變成韓星的樣子,就是頭髮很奇怪,還化妝,男人不像男人的那種感覺,這是我特別不明白的。因為很多韓星那個樣子,是因為他們是歌手,不是演員,如果你打扮成那樣,會影響你做演員的感覺。如果你是每天都打扮得奇奇怪怪,你怎麼演一個很普通的角色,因為觀眾會有一個印象,這會影響你演戲方面的東西。」
覺得佢唔靚仔嘅人到底覺得邊個靚仔?(東星娛樂)
NO.1
張國榮
張國榮1977年已經出道,曾經留學外國嘅佢一身貴公子嘅氣息,由於五官精緻,所以喺電影中反串女角都毫無違和感。
(網上圖片)
食煙都寧舍有型!(網上圖片)
跟住就係排名不分先後嘅香港公認靚仔嘅男明星,個個都令人目光停留喺佢哋身上移唔開呀!
2000年陳冠希以壞孩子形象出道,不過完全無損佢嘅受歡迎程度。(東星娛樂)
佢仲帶領當時嘅潮流,佢嘅衣着都有唔少年輕人模仿!(東星娛樂)
1984年出道嘅張衞健可以話係靚仔界嘅滄海遺珠。(網上圖片)
1982年出道梁朝偉一對會講嘢嘅電眼真係老、中、青都畀佢迷倒,美男榜又點會少得佢。(東星娛樂)
1986年出道嘅黎明都係「靠樣搵食」,青靚白淨迷到唔少妹妹仔!(網上圖片)
2012年出道嘅林德信有天使面孔同魔鬼身材,係近年少有嘅甘泉!(林德信IG)
撰文: 黃蘊姿